طالعت في صحباتها بنظره حالمه وهيه تظم يدينها تحت ذقنها بطريقه مسرحيه:اه شخص احبه اموت فيه لدرجة انه لمن اسمع صوته احس نفسي طايره في الجو ولمن يقرب مني بطني تعورني من الربكه شخص من كثر حبي له قلبي يعورني شعور يجنن مها:خخخخخخخخخخ ابووووك يالتعبير والحالميه
ندى تضرب مها:خلي البنت تتحلم كملي حبيبتي كملي ماعليك منها
كملت برومنسيه:شخص احس لو اقله احبك ماتكفيه واقوله اعشقك برضو ماتكفي شخص يبادلني نفس حبي ويمكن اكثريعاملني بحنان يمسيني بحب ويصبحني بورده
نهى:اقول وافق على عريس الغفله احسلك لاتتحلمي كثير تراك في السعوديه
رغدبرومنسيه:كملي لولوحبيبي ماعليك منها هذه تبغى تخرب عليك
دلال:بالله لورا رفضتي اللي جاك عشان هذا السبب
لورا:لا مو بس عشان كذا اولا مو متعلم والثقافه فوادي وهوه فوادي ثاني كبير مرررررررره ثالثا لاني مااحبه ورابعا لانه لساعني صغيره
مها : يعني كم عمره؟!!؟وتعليمه مستوى ايه؟!!؟
لورا:29وتعليمه ثانوي
البنات:ايييييييييييش
لورا:بسم الله علي اشبكم
نهى:بانجن بانجن دحين 29موكبيرلساعه شباب وتعليمه احسن من غيره لورا:اناحره ماابغاه كيفي بس استنى الاسبوع يخلص حتى يتم رفضه
ندى:بطلي هباله ارضي بقردك لايجيك اقردمنه
لورا بحالميه:لا انا بستنى فارسي الشجاع بحصانه الابيض يجيني في الغابه ويشلني على حصانه و............... مها بحونشيه:بس بس صدعتي راسي الشرهه مو عليك الشرهه على خالتك اللي مخليتك على القصص والهبال اللي تقرينه صقعتك فمخك مخليتك ماتفرقين بين الكذب والواقع ياماما ياحبيبتي الكلام اللي تقرينه خرافه من الخيال فقط لاغير لورا:اللي يسمعك دحين يقول خالتي داريه انا اجلس على ايه وبعدين واقع حقيقه كله واحد المهم اني احلم بشخص يعاملني بكل رقه وحنان والحلم مو حرام ولا هوه بفلوس ندى:انتهى النقاش رولا اشبها ماجات؟!!؟
لورا:ماجات والسلام
مها:تعبانه طيب
لورا بنبرة حزن:امكن تسحب ملفها
البنات انصدمو
دلال:ليش؟!!؟
لورا:بنات بليز ماابغى اتكلم في الموضوع مليت منه في البيت
سكتو البنات وغيرو الموضوع وارو يتكلمو في موا ضيع ثانيه
ترررررررررررررررررررررررر ررررررررررررن
دق الجرس معلن عن انتهاء الفسحه ورجعت كل طالبه لفصلهاوبدؤ المعلمات يدخلو الطالبات فصولهم عشان كل وحده تبدا بحصتها وتبدا بشرح درسها
خلصت الحصص وبدؤ البنات يطلعو وطلعو مها ودلال ولورا من الفصل ومرو على نهى وندى ورغد وجلسو البنات في مكانهم المعتادوكانو يهرجو جاتهم دعاء
دعاء:لورا ممكن شوي
ابتسمة لورا وراحت معها وقفو في زاويه واتكت لورا على الجدار ودعاء قدامها
لورا:هلا عمه
دعاء:رولامصره انه هيه اللي تروح ولاانت مافكرت تتنازلي
سكت لورا مستحيل تطلع من هذه المدرسه مستحيل لورا:عمتي انامااقدر ا....
دعاء بعصبيه:محد قلك انك انانيه وماعندك احساس اختك تقولك انا اتحمل الغلط وانت بفرحه توافقي من غير ماتهتمي... ليه رولاماتبغى تجلس مع صحباتها؟ ماتبغى تنبسط؟ ماتبغى تكمل دراستها؟ ولا بس انت تفرحي وهيه ممنوع عليها عيشه زي الناس؟.. اول ماتكلمت لانه رولا قالت انه تقدملك واحد ولو وافقت ماتقدري تروحي لاكن بماانك رفضتي ليه ماتروحي انت نيابه عنها؟.. لورا انا مااقولك كذا عشني احب رولا اكثر وماابغهاها تروح عني لا انتو كلكم بنات اخوي ومعزتكم وحده بس انت اللي اغلطتي والمفروض ماترمي بغلطك على غيرك ابغاك اليوم تسحبي ملفك وماتضيعي مستقبل اختك انت غلطتي انت تتحملي وغير كذا انت اجتماعيه لو روحتي هناك تقدري تكوني صداقات جديده بعكس اختك... لورا لاتكوني انانيه قولي لــ اخوي انك رفضتي الرجال اللي جالك وروحي مع وليد بدل رولا طالعت لورا في دعاء اللي لابسه تنوره جنز وقميص احمر عادي وحاطه كحل وروج وفاتحه شعرها
دعاء:اشبك ماتردي هاه ايش قلتي نروح نسحب ملفك
لورا :طيب بس تعالي معايه عشان تكلمي المديره انا مااعرف اتكلم في هذه المواضيع ابتسمة دعاء :يالله طيب
ومسكت لورا من يدها ومشيو مشيت لوراوهيه مدنقه راسهاماتبغى تسيب صحباتها بس كلام دعاء صح وصلوعند باب غرفة المديره
دقت دعاء الباب وعلى وجهها احلى ابتسامه:اسلام عليكم
ابتسمة المديره:وعليكم السلام هلى ابله دعاء اتفضلي
دخلت دعاء وهيه ماسكه يد لورا وجلس على الكرسي ولورا واقفه جنبها ومدنقه راسها
ابله هناء:هاه ابله دعاء اقدر اساعدك
دعاء:اذاماعليك كلفه انا جايه بصفتي عمة لورا اسحب ملفها المديره بستغراب:ليه بتبطل حرام تضيعو مستقبلها لورا طالبه ممتازه ماشاء الله
دعاء:لا مابتبطل بس بتنقل مدرسه ثانيه
المديره:طب اعطيني ورقة موا فقة من المدرسه اللي بتروح لها دعاء:لسع مااخذنا الموافقه ولااخترنا المدرسه بس مجرد ماتوصل لجده تختار المدرسه اللي تناسبها وانسجلها فيها
المديره:بس لو ماقبلتها المدرسه حتقعد كذا وتضيع سنه من عمرها دعاء:لا معليك اعطيني الملف
المديره:براحتكم بنتكم وانتو اعرف خلاص بكره الصباح تاخذ الملف
دعاء:ماينفع اليوم لانها بكره الصباح بتسافر
المديره:خلاص ربع سعه واسلم الملف
دعاء:خلاص بعد ربع ساعه اخذه من ابله ليلى طلعت دعاء مع لورا
دعاء:خلاص يسير تروحي مع وليد متى ماقال بس انا خلصت الموضوع اليوم عشان مانتاخر لاجا وليد ياخذك يصير كل سيء جاهز هزت لورا راسها بالموافقه وراحت للبنات جلست وهيه ساكته
دلال:اشبك لورا؟!!؟
لورا رسمت احلى ابتسامه على شفاييفها:سحبت ملفي اليوم
البنات كلهم انكتمو لمدة دقائق
لورا:اشفيكم انكتمتو
نهى:يعني ماعاد بتكملي دراسه
لورا:لااا بكمل بس في مدرسه ثانيه
رغد امتلت عيونها دموع:كيف يعني بتروحي وتخلينا
ابتسمت لورا بس ابتسامه حزينه:لو بيدي مااتركم الين اموت بس موبيدي غصبا عني
مها وعيونها كلها دموع:لا لاتروحي لورا احنا صحبات من الابتدائي ودحين تتركينالا بليز لورا نهى:ليه طيب فجئه كذا تقولي بنقل ليه ماعلمتينا من بدري حرام عيلكي ندى:لا لورا بليز لاتقولي هذا الكلام مره ثانيه انت مابتروحي انت تمزحي صح
دلال:ليه بتنقلي ليه
لورا:ماامزح وربي لكن مااقدر اقول السبب وبليز بنات لاتقهروني اكثر مماانا مقهوره
جلسو البنات وحاولو يكتمو دموعهم عشان لورا جاتهادعاء واعطتها الملف
اول مااخذت لورا الملف سلمة على البنات وطلعت لانه السوق من اول برى وعملومناحه بس لورا مانزلت ولا دمعه طلعت تدور على السواق بس استغربت انه عبدالله اخوها اللي برا مو السواق فرحت الا طارت من الفرح وركبت السياره وهيه مبتسمه وسلمة عبدالله:وعليكم السلام اهلين مادام انت في يتاخر كسير ايس هادا انا سائه واقف برى لورا:ههههههههههههههههههه فديته البنقالي انا لا بس اتاخرت عشان ملفي واحسبك محمد عبدالله مبتسم:خذي راحتك بس أي ملف
لورا بنبرة حزن حاولت تخفيها قد ماتقدر:ملفي حق الدراسه يعني أي ملف
عبدالله مافهم:دراسه؟!!؟
لورا:ايوه سحبت الملف حقي من المدرسه عبدالله بصدمه:ملفك انت؟!!؟
لورا:ايوه ملفي اشبك مستغرب
عبدالله:مستغرب لانه رولا قالت بتروح وانا نازل عشان اوديها عند وليد بكره او بعده لورا:لاخلاص انا بروح بدالها عبدالله:انا صراحه مني فاهم ليش مو الثنتين تجلسو او الثنتين تروحو وليد مارضي يعلمني وانا صراحه مااهتميت لاني ادري انه ورى السالفه خالتي وانت تعرفيني مااستحملهاومااحب اقرب من موصوع لها يد فيه عشان كذا فكرت اني مااسال كثير وسكت عن الموضوع لورا:احسن برضوالاتعال وليد في جده؟!!؟
عبدالله:الله يهديك في احد مايعرف اخوه فين ساكن ايوه في جده بس الله يعينك على مرته
لورا:ليه؟!!؟
عبدالله:اخس والعن من خالتي لورا سكتت وتنهدة:ماني مهتمه لها ولا للروحه اصلا بس كل اللي قاهرني اني بسيب مها ورغد ودلال ونهى وندى
عبدالله:بس هذا اللي هامك انك تبعدي عنهم خلاص انا اطقهم الاربعه واجيبهم لك والخامسه بعد مااطلق وحده فيهم اخذها بدل لورا:هههههههههههه حلوه اطقهم الاربعه
عبدالله:اناادري مقهوره عشانهم لاتحطي في بالك كل ماشتقتي لهم جبتك سلمتي عليهم ورجعنا
لورا:ليه مرى المدينه عند اذني
عبدالله:ايوه اربع ساعات رايح واربع ساعات راجع ونص ساعه تسلمي
لورا:شيء فله
عبدالله :بس بس لاتتحلمي وتصدقي عاد
لورا:لاوالله تستهبل انت ووجهك شغل المسجل بس شغل
عبدالله:حاضرين للحلوين
وشغل المسجل وعلى الصوت وزاد السرعه ولورا تصرخ وعبدالله ميت ضحك عليها وصلو للفله وكانو يسولفو وسمعو صوت صراخ داخل البيت ودخلو يجرو شافو رولا تصيح على الارض عند رجول ابوهم اللي واقف ومرت ابوهم حالسه على الكنبه وميله فمها طالعت فيهم لمن دخلو ورجعت طالعت في رولا اللي راحتلها لورا جري توقفها
طالع فيها ابوها بقوه:بدري ياهانم السواق عندالباب وانت ماادري مع مين جايه هذا كله تاخير
لورا اللي نسيت مو ضوع السواق اللي لساعه وقف عند باب المدرسه واتحسب انه عبدالله جا بدل السواق
لورا:انا كنت....
قاطعها ابوها اللي ضربها كف من غير مايخليهاتكمل كلامها وصرخ:بسرعه وحده فيكم ترجع المدرسه تسحب ملفها الحماره هذه غابت عشان ماتسحب الملف لكن انا لكم ترجعون المدرسه دحين ووحده تسحب ملفها طالعت فيها رولا بصدمه:سحبتيه؟!!؟
هزت لورا راسها بالموافقه
ابو وليد:انقلعي طيب جهزي اغراضك عشان تفارقي مع عبدالله اليوم
طلعو رولاولورا واول مادخلو غرفتهم لفت رولا على لورا وسكتها من كتفها رولا:ليه بتروحين لاتروحي انا كان فبالي اطنش هذه السالفه الي حيمسكها يوم يومين وبعدين بينسا ضحكت لورا:ههههههههههه ياحليلك يارولا تبغي مرت ابوك تنسى شيء حطته في راسها مستحيل تنسى وبعدين انا فكرت فيها انالو جلست هنا محد عندي غير صحباتي لكن انت عندك عماتي وجده وبنات عماني كلهم يحبوك بعكسي فقلت رحت او جلست مافي فرق رولا:بس عبدالله يقول انه مرت وليد مشيه وليد على كيفها والشر يطلع من عيونها بالعربي شيطان على هيئة بشر لورا:عشان كذا انابروح بدالك انت هبله تنكتمي لواحد غلط عليك لكن انا تعرفيني مااضيع حقي رولا:وهذا اللي جايبلك البلا لورا انا اخاف عليك هناك مانعرف احد حتى وليد مانعرف ايش يطلع لورا:خخخخخخخخ حلوه يطلع بني ادمي
رولا وعيونها مليانه دموع:بليز لورا لاتروحي انااروح بدالك
لورا وهيه تطلع لها لبس من الدولاب:حبيبتي انا غلطة انت تروحي ماتجي خلاص انا اروح واكلمك كل يوم واكلم البنات رولا سكتت ودخلت لورا الحمام تبدل ملابسها اندق الباب
وطل وجه عبدالله المبتسم وشاف رولا تبكي خاف عليها ودخل وجلس على ركبه ورولا قدامه على السريرنزل يدها اللي مغطيه بها وجها:حبيبي اشبك تعورتي صارلك شيء
هزت رولا راسها:لا بس خايفه على لورا ماابغاها تروح عند وليد
حضنها عبدالله:ياقلبي لاتبكي لازم وحده فيكم تروح يعني لازم تنفصلو
رولا:ماابغى لورا تروح مكان ماتعرف فيه احد ماتعرف غير شخص اسمه وليد وينقاله اخوها من غير ماتعرف شيء عنه طلعت لورا وشافت رولا تبكي وعبدالله حاضنها راحتلهاركض:اشبك رلو تعبانه
عبدالله :مافيها شيء دلع بس ليش بتسافري خايفه عليك
لورا:خخخخخخخخخخ اخيرا اعترفت انك تحبيني وماتقدري تفارقيني خلاص لاتبكي هاتي دفتر اوقعلك كذكرا يعني تعرفي المعجبين كثار بس انت سبشل اخاف تغرقينا بدموعك
رولا تضرب لورا على كتفها:دبه روحي من ضحك عليك وقلك اني ابكي عليك ابكي على العالم اللي بتروحيلهم لايتجننو لورا ترمش بعيونها:ادري والله انه جمالي يجنن
رولا:لاوانت الصادقه هبلك يجنن
عبدالله:هههههههههه الله يشفيكم بس يالله بسرعه جهزي اغراضك ابوك يقول انه دحين اوديك مع انه نفسي اجلس مع اصحابي بس بوديك لجده تسلمي عليها ونروح
وقفت لورا وسوت حركه زي العساكر:يس سير
وراحو هيه ورولا يرتبو اغراضهم وعبدالله منسدح على سرير لورا ومبتسم لنقاشات اخواته التوئم
ورتبو الاغراض ولف لورا على اخوها وحطت يدها على خصرها:قوم عن سريري
عبدالله:ليه انشاءالله
لورا: باخذ الغطا حق السرير
عبدالله:الغطاوي كثيره مالقيتي غير هذا
لورا:انا احب هذا اكثرواحدفيهم
قام عبدالله وجلس على سرير رولا
عبدالله وهوه يطالع في لورا وهيه تنزل غطا السرير:انتو ليش اشتريتو سريرين وانتو تنامو على سرير واحد
ضحكو الثنتين
عبدالله:خير ماقلت نكته
رولا:يوم ماروحنا نشتري الغرفه خالتي كانت مهاوشتنا وقبل مانطلع قالت اقتصدو ولورا لعانه اشترت من كل شيء اثنين حتى التسريحه كانت بتاخذ اثنين بس بعدين بطلت عبدالله:ههههههههههههه خطيييره تعجبيني
لورا:والله اما مشترين بفلوسها احناعشان تتفلسف على روسنا
عبدالله:يالله بس خلصي
حطت الغطا وقفلت الشنطه ولبست العبايه ولفت على رولا اللي حضنتها بقوه وصارت تبكي بشكل هستيري وهيه ماسكه فيها بقوه
لوراعيونها مليانه دموع غمضة عينها في محاولة انها تمنع نفسها من البكا وهذا طبعها دمعتها عزيزه وماتسمح لاي احد يشوفها عض عبدالله شفته وهوه يطالع في اخواته وهذي اول مره يفترقو عن بعض طول عمرهم سوا ميشوف لورا فمكان الا ورولا معاهارغم اختلاف شخصياتهم لكن متفقين في كل شيء حتى في الشكل لدرجة انه محد يعرف يفرق بينهم
بعدت لورا عن رولا:اسمعي حاولي قد ماتقدري ماتقربي من خالتي ولا من بابا ولاقلتقك سوي شيء لاتكوني هبله وتسوي وكرامتك لاتضيعها لو ايش ماصار و..... قاطعها عبدالله:لاتخربي البنت
لورا:اختك هذه تعبت وانا اعلمها
مسحت لورا دموع رولا وسلمت على خدها وطلعت وهيه تسمع صياح رولا اللي طاحت على الارض تبكي داست لورا على قلبها وطلعت تركض من البيت وطلع عبدالله وهوه شايل الشنطه وحطها في شنطه وركب السياره وحركوا توقع يلقى اخته ميته صياح بس استغرب هدوءها وصلو بيت جدهم ودخلت عشان تسلم على جدتها اللي كان الشباب عندها دخلت وطرحتها على كتفها وعبايتها مفتوحه لورا :السلام عليكم
الكل ردالسلام ودخل عبدالله وسلم
سلمة لورا على جدتها وجلسة وعبدالله سلم على عيال عمه وبعدين جلس جنبها
الجده اللي عرفت لورا من طريقة لبسها للحجاب ودخلتها بدون خجل عكس رولا اللي كانت تتحجب وماتدخل مكان فيه رجال:كيف حالك يالورا طريقة نطقها لـ اسم لورا مضحكها ولورا عدة تقهقه بس اللي ستغربه الكل انها تكلمة بهدوء:الحمدالله
وماقالت غيرها رغم انه الكل كان يتكلم وهذا اللي ماتعودوه عيال عمها منها دايما تشارك وتضحك وتتكلم بصوت عالي
ابتسم علي:لورا تبغي تلعبي كوره
لورا تموت على لعب الكوره ردة بهدوء:لا ماابغى
علي:يوووووووه لورا ماتعرفي تادي دور الهاديه قومي قومي نلعب كوره
وقفة لورا وهيه تحاول تفرفش لانه هذي اخر مره تقابلها فيهم ماتدري تقابلهم بعد كذا او لا وقامو الشباب يلعبو كوره ولمت لورا شعرها الطويل وربطته زين عشان ماينفك ولبسة فوقه بندانه وصارة تلعب معاهم وعبدالله ميت ضحك عليها بس استغرب انه لعبها حلو ماكملت ربع ساعه وقلها عبدالله يالله لبسة عبايتها وودعوها العيال وراحت حسة المها يزيد ماتدري حتلعب كوره هناك او لا ماتدري من هما الناس اللي رايحتلهم ولاكيف اطباعهم عبدالله:حركه والله اتاري اختي لعيبه
لورا بمرح:من يومي لعيبه تف تف تف تف عليه
ضحك عليها عبدالله
عبدالله:شلتي دواك معاك
لورا بكذب: ايوه اقول عبدالله وليد عنده بنات
عبدالله:ام عنده وحده اكبر منك ووحده اصغر منك بسنه مدري سنتين ووحده عمرها ثلاث سنين وعنده ولدين واحد اخر سنه في الجامعه والثاني ثانوي
لورا هزت راسها بايوه
عم المكان هدوء لورا سرحت بافكارها بعدين سالت:انت منت ساكين معاه كيف عرفت
عبدالله:عشني دايم مع احمد اكلمهم باستمرار
لورا باستغراب:مين احمد؟!!؟
عبدالله:ولد وليد الكبير
لورا:اسمه احمد على اسم بابا
هز عبدالله راسه بايوه
لورا:وليد ليش مايجينا؟!!؟
عبدالله:لمن كان عمره عشرين سنه صارت مشكله بينه وبين امي ماافتكرها بس يومتها امي حلفت مايدخل البيت ومن ايامها راح جده واشتغل بس كان يتصل بابويه بستمرار ومارضي انه احنا نجيه او هوه يجينا ويقول اللي عليه سويته مع ابويه لورا بصدمه:يعني صارت المشكله قبل مانجي؟!!؟
عبدالله:ام
لورا:طب كيف عنده بنات اكبرمني
عبدالله:لانه اتزوج وعمره 19
صارت لورا تحسب على يدها
عبدالله:ايش تحسبي
لورا:عمره خمسه وثلاثين يعني عجوز
ضحك عبدالله:هههههههههه عجوز في عينك اذاخمسه وثلاثين عجوز يعني ستين ايش
لورا:ستين رجل في الدنيا ورجل في القبر
عبدالله:ههههههههههههههه خبله والله خبله
::
::
::
عدت الاربع ساعات سريع ووصلو عبدالله ولورا جده وسكتت لورا وقلبها بدا يضرب طبول بدا عبدالله يمشي في شوارع جده المزحزمه ومن شارع لشارع ووصلو حي واضح انه راقي وكان هادي والفلل اللي فيه كل فله تقول طالعو فيه انا احلى ووقفو عند فلى او نقدر نقو قصر بعيد عن باقي الفلل الثانيه بمسافه مهي بسيطه قرب حارس القصر من السياره عبدالله:اناجاي اقابل وليد قله عبدالله احمد الـــ........
راح الحارس الغرفه ودق على اهل البيت وكلم وليد اللي قله دخله
دخلة سيارة عبدالله وقطعو مسافه مهي بسيطه الين ماوصلو البيت
نزلو من السياره ودخلو البيت ولورا شايله شنطة الاب توب حقها قربة لورا من عبدالله ومسكته من كتفه ويدها تنتفظ عبدالله ابتسم:اشبك؟!!؟
لورا هزت راسها بمعنى انه مافيها شيء
قبل مايدخلو انفتح الباب وطلع منه ولد شباب مسوي شعره سبايكي ولابس بنطلون جنز اسود لويس وتيشيرت اصفروفيه كلام انقلش بالاسود ويتكلم بالجوال انها المكالمه اول مانتبه لــ عبدالله وحضنه على طول بعدة لورا عن عبدالله وهيه خايفه من هذا الشخص بعد الولد عن عبدالله:يابعد عمري ياعمي جاي تشوفني
عبدالله:عاد من زينك جاي اشوفك وبعدين كل يوم وانت ناط عندي ليش اجيك الولد:اوفف ياخي جامل على الاقل
انتبه انه في احد واقف لف على لورا وصفر:واو ايش الصاروخ اللي جاينه ايش لا يكون القمر نزل واناماادري
عصبت منه لورا :لاوالله تستهبل انت ووجهك اللي كانه....
قاطعها عبدالله:بس بس اكلت الرجال هذا احمدولد وليد
هديت لورا ولف عبدالله على احمد:هذي لورا عمتك يالخبل ليه ابوك ماقلك انها جايتكم اليوم
احمد بستغراب:اوه عمتي ياهلا والله لاوالله ماخبرنا الوالد انكم جاين ولا كان استقبلناكم احسن استقبال
عبدالله:محد جاي غير لورا خلاص بما انك انت استقبلتنا خلاص وديها انت عند ابوك
ولف نزل من االدرج بس وقفته لورا اللي نادته بصوت باكي:عبدالله لاتروح وتخليني انا خايفه لف عبدالله على اخته وابتسم:احمد معاكي ليش خايفه
وقبل ماتتكلم لورا كمل طريقه للسياره ونزل شنطتها الكبيره وستغرب منها احمد
عبدالله:خلي واحدمن الخدم يدخلها
هز احمد راسه وعبدالله ركب السياره من غير مايطالع في اخته وهوه متاكد انه ماراح يشوفها مره ثانيه لانه ماعاد حيسمح لنفسه يدخل بيت وليد طلعت سيارة عبدالله لف احمد على لورا اللي توقع انها راح تبكي لانه صوتها كان واضح انهاكانت بتبكي بس استغرب انهاكانت بس تطالع في المكان اللي طلعت منه سيارة عبدالله من دون ولا دمعه احمد:ندخل؟!!؟
هزت لورا راسها وهيه متمسكه في حبل شنطة الاب توب اللي كانت معلقه على كتفها
فتحلها احمدالباب واشرلها تدخل دخلت لورا وهيه تطالع في القصر صحيح كانو عايشين في فله بس ماكانت فخمه كانت فله بسيطه مقارنه بالقصر
مشيت ورا احمد وسمعته وهوه يكلم وحده من الخدم احمد:ابويه وينه؟!!؟
الخدامه:في مجلس
احمد:اوكيه في شنطه كبيره بره دخليها وجيبيها المجلس
راحت الخدامه وكمل احمد ولورا وراه دخلومجلس كان كبييييييييير وكان فيه واحد مترئس المجلس ماشافت شكله لانه كان ماسك كتاب يقرا فيه
احمد:احم احم ابو احمد
رواية من الظالم انا او الزمن؟!!؟ بقلم طفله هادئه 
رد: رواية من الظالم انا او الزمن؟!!؟ بقلم طفله هادئه 
العرض العادي
