تاليف:
JawhaRh صديقتي
الفصل الاول
الشخصيات:
ابومحمد:شخصيه تتمتع بالطيبه والحنيه لكنه شديد عند اللزوم غيور جدا على اهله موظف في شركه كبيره ومعروفه ولكن منصبه لم يكن ذا مكانه كبيره .....
ام محمد:ودوده وحنونه تتمتع بالصبر والحكمه غر موظفه لكنها تعمل في البيت وتبيع على جيرانها ومعارفهم ......
محمد:الاخ الاكبر يدرس في ثاني جامعه مثقف دائما ماتلقونه في غرفته يقراء الكتب او يكتب خواطره اللي اشتهر بها عند اهله دائما غامض ومايصرح بارائه اللا قليل قليل جدا....
سلوى:ثالث ثانوي عمرها 18 سنه حلوه شعرها طويل وبني (طبيعه ) عيونها واسعه جسمها مره روعه هاااادئه وخجوله مرررررره متملكه على ولد عمها سعود....
عبير:عمرها 17 سنه تدرس بثاني ثانوي وشاده حيلها مره << تبي تظمن مستقبلها .. مملوحه وابتسامتها تخليها مرررره ((كيوت)) جسمها مليان شوي لكن متناسق وتموت في أي شيء يخص الجمال والبشره عشان كذا تشوفونها طايره في السوق تدور منتجات جديده ......
فتون: عمرها 16 سنه تدرس بثالث متوسط مصرقعه ومهبوله وبنت نكته الكل يحبها في العايله برغم من مقالبها ثقيلة الدم شعرها قاصته (بوي) لكن طويل شوي جسمها رووووعه وعيونها مكحله وخدودها ورديه ...<< افهموها البنت ملكة جمال ....
سليمان ورانيا: اخر العنقود سكر معقود سليمان عمره 6 سنين ورانيا عمرها 4 سنوات ......
عايلة ابو سعود
ابو سعود: عمره 63 سنه يشتغل في محله اللي اشتراه من سنتين ويعمل في مجال (العطاره) حكيم وصبور لابعد الحدود .......
ام سعود: حنونه و((متشببه)) غير موظفه لكنها دايما تساعد ام محمد وتاخذ ربع المكسب .......
سعود: يدرس في ثاني جامعه مع محمد ومن العصر الى المغرب يروح للمحل ويساعد ابوه ويستلم مصروفه من اللي يبيعه هااااادي وجريء ومملوح جدا << لاسكري احسن .......
فاطمه: عمرها 18 سنه تدرس في ثالث ثانوي وفيقة سلوى وعبير الروح بالروح هااااااااادئه وشعرها طويل ورافضه فكرة انها تقصه <<تقول كاله داعي ! جسمها مررره روووووووعه وعيونها حاده وعسليه .......
العنود: عمرها 16 سنه تدرس في ثالث متوسط وجريئه وعربجيه وماعليها من احد تقول رايها غصب والكل لازم يرضى فيه .. << على كيفها الاخت ؟! خوية فتون واحلام ومسوين حزب في المدرسه << هبلوا بالمعلمات .....
والباقي نتعرف عليهم مع احداث القصه >>
بيت ام محمد
ام محمد: تنادي باعلى صوتها :
ـ فتون .. فتون ..
فتون: تطلع من غرفتها وهي تركض وطلع راسها على امها من فوق الدرج :
فتون: نعم ..
ام محمد: تعالي ولفي ورق العنب انا ماقلت لك لفيه ؟
فتون: يمه خلي عبير تلفه ولا سلوى ؟
ام محمد: لاعبير لافته امس وسلوى مشغوله في شيء ثاني بعدين انا امرتك انتي من عبير ولا سلوى ...!
فتون: يمه تكفين ماودي الفه
ام محمد: اقول تحركي بلا دلع الحرمه تبي عشاها كامل ..
فتون: ما اعرف الفه ..؟
ام محمد: يانصابه مب انتي لافته الاسبوع اللي راح ..؟ << ام محمد رافعه حاجب وهي تقوله ؟
فتون:تلخبطت وتذكرت انها هي اللي لافته الاسبوع اللي راح وقالت : طيب بغير ملا بسي وأجي الفه ؟
ام محمد : ماله داعي غيريها بعدين اصلا تتلزق فيك ريحة الطبخ خليها بعدين
فتون: وهي متنرفزه :
طيـب
ام محمد: بسرعه ؟
نزلت فتون الدرج بسرعه ودخلت المطبخ اللي كان موجود في ساحة بيتهم << هذا طلب ام محمد عشان ماتدخل ريحة الطبخ جوى البيت ..!
فتون شافت احلام منهمكه في تقطيع البصل وتصيح << خخخخخخخخ ...
وجت من وراها وصرخت بأعلى صوتها بووووووووووووو
احلام ارتاعت وطاحت السكينه منها وهي متشنجه في مكانها بدون أي حركه .
فتون لوت راسها وهي تناظر احلام وقالت :
احلام ... ههههههههههههه
احلام بعصبيه :
ياسخفك ياسامجه شايفتني منهمكه في تقطيع البصل حسبي عليك سبع التحاسيب ......
فتون في عالم ثاني :
هههههههههههههه .. هع .. هع .. هع
والله شكلك هههههههههه
شيء ههههههههههههههه
احلام صارت تلفت يمين ويسار تدور شيء تخبط به فتون
ومالقت الا المكنسه ورى الباب .
اركضت بسرعه واخذت المكنسه وصارت تركض ورى فتون وفتون ميته ضحك ...
احلام صايره تركض ورى فتون من غرفه لغرفه لين دخلت فتون غرفة محمد بسرعه وتخبت وراه ...
محمد ماشال عينه من الكتاب لأنه عارف ان اللي دخلت غرفته هي فتون لانها ماتستأذن عالطول تدخل بدون رسميات ...
فتون صارت تستنجد تقول :
محمد ... محمد ... تكفى ترى تكفى تهز الرجاجيل !
محمد بدون مايرفع راسه عينه عن الكتاب :
وش تبين ..؟
فتون: احلام بتدخل الحين لا تقول اني عندك ... تكفى
محمد: ليـــش؟
بعدين اقولك ....
محمد: مادام انك خوافه وشوله تتضاربين معها..
فتون: وش اسوي يضحك شكلها اذا عصبت ؟!
محمد: الحمدلله بس اهل العقل في راحه ..
وفجأه ..!
قطع عليهم طرق الباب بصوت خفبف لكن فيه بنبرة الحده
فتون: اشششش هاذي هي
محمد: يأشر لها تسكت ثم قال:
تفضل ...
احلام بعصبيه واصله حدها وريحتها بصل :
فتوووووووووووون عندك؟
محمد بهدوء :
ليه وش فيها ؟!
احلام بصوت عالي:
شيء خاص وراح تتعاقب عليه ..
محمد: نيههههههاي (كمليها) مب اللحين احنى صايرين في فلم رعب ...
احلام: انا سألتك سؤال ؟
محمد :ايــه !
احلام ومناخيرها تطير وتوقع :
جاوب طيب؟
محمد: لا .. فتون غير موجوده
فتون من ورى البيت كاتمه الضحكه وتحمد ربها اان محمد ماخانها زي المره اللي فاتت...
احلام طلعت وخبطت <<= سكرت بالباب بقوه ..
محمد التفت على فتون وقال:
يووووووووووه الله يعينك شكلها معصبه وحتى مناخيرها تطير وتوقع من كثر ماهي متنرفزه وش مسويتلها انتي؟
فتون وهي تضحك :
هههههههههههه ابد ( بس) صبحتها على مقلب وتو عطيناها مقلب ...
محمد وهو يضحك على هبال خواته :
هههههه بعذرها ههههههه
أي والله بعذها متنرفزه ....!
في نفس الوقت وغير المكان دخلت غرفته بكل ملل ورمى غترته على الكنبه التي كانت باخر الغرفه واتجه مباشره وهو ماسك راسه وبشده ...
تذكر كلمات اوه له في الشركه :
انت مالك فايده مالك فايده مالك فايده !!
حس ان وجع راسه زاد اكثر وان حياته هذي ممله لدرجة انه يتمنى الموت اكثر من اربعين مره في اليوم تمنى ..
يصير شيء غريب شيء جديده يشعره بان له فايده له قيمه في هالكون اللي بدى يفكر انه يتركه ...
قطع عليه حبل افكاره صوت امه اللي كانت تطرق الباب وتقول طلال فيك شيء ....
ياطلال...؟!
تذكر انه دخل البيت ومر على الصاله بدون مايسلم على امه وجالس معها في الصاله شوي يسولف لها عن الدراسه والربع ومايروح الا لم يتطمن ان امه ماخذه العلاج لانها مريضه بــ(القلب) =يعني قلبها مايتحمل وضعيف جدا
الباقي فيه بس بشوف البدايه بداية قصتها حلووه ولا يلا ابي ردودكم انزل الباقي ولا ترى الباقي يحمس اكثر والله والله والله يجنننننننننن مو عشانها صديقتي لا والله تجنن تحمس وفيها اشياء تضحك وفيها مقالب وناسه وفيها حب واستهبال اذا تبون اكمل قولوا لي عشان انزل الباقي يلا انتظر ردودكم على هذا الجزء
:nic90:
العرض العادي
