من روائع ابن فطيس - احلى بنات
  • تسجيل الدخول :

النتائج 1 إلى 5 من 5

الموضوع: من روائع ابن فطيس

  1. #1
    سلطان الشمال غير متصل أحلى متحمس
    تاريخ التسجيل
    Apr 2010
    الدولة
    السعوديه
    المشاركات
    128

    افتراضي من روائع ابن فطيس

    ماهـو بكفـو الوقـت حبـك يمحّـيـه
    ياللي تخـاف صـروف الايـام تمحـاه

    ارتـاح ..مـادام المـواصـل يقـوّيـه
    انت انت..وانـا انا..وقلبـي هـو ايـاه

    حتـى ولـو بتغيـب ذكـراك تكفـيـه
    ياواحـدٍ تكفـي عـن النـاس ذكــراه

    حبـك علـى رملـة خفوقـي مواطيـه
    ورياح عذلي عنـك مـا تمسـح خطـاه

    واللي يعـذل القلـب عـن درب غاليـه
    الله بمـا يـبـلا الموالـيـف يـبـلاه

    اخفيـه يابالفـيـت والـحـال يبـديـه
    ادنـاة واحـد ينظـر الحـال يـقـراه

    مخفيـه فيـه ومعتنـي ٍ بـه وحاميـه
    مـن كـل عيـن ٍ ودهـا تنـزل حمـاه

    قلب ٍ يحبـك والهـوى الـذرب ماليـه
    كانـك مكذبنـي ؟؟ بعيـنـك تـحـلاه

    شـرط ٍ تشوفـك فيـه منـت بحواليـه
    ويمكن تشـوف ديـار واماكـن ارعـاه

    وبتشوف بـه تمثـال والوقـت هاريـه
    وبتشـوف زرع ٍ ميـت وواقـفٍ مـاه

    وبتشوف جـرح ٍ فيـه سكيـن راعيـه
    راح ونسـى السكيـن والجـرح ينخـاه

    وبتشوف حصن ٍ عـج الاقـدار سافيـه
    وبتشـوف باقـي بيـت راعيـه خـلاه

    لا تنزعـج هـذا خفـوقـي وباقـيـه
    ولا تضايـق مـن تـصـدع زوايــاه

    قـد زلزلـه فرقـا وهـزت عـراويـه
    والله ستـر والحـظ عـانـه وعـافـاه

    ابغيـك بـس مـن المفـارق تـداريـه
    وازهل مـن يـداري شعـورك ويـدراه

    وحلـل وحـرم فيـه يابـرك بـلاويـه
    وحلّه وراع رضـاي ورضـاك ورضـاه

    جعلك بعد بعض الوجيه ... امحق وجيه
    نـاس ٍ مراتعـهـا الرفـيـق بتقـفـاه

    انـواع واخطـر نـوع مانـي بناسيـه
    نوع ٍ علـى تفريـق الاثنيـن مسعـاه

    تلـقـاه دوم وكــل يــوم ٍ تلاقـيـه
    والـى بغيتـه صـدق مـا عـاد تلقـاه

    ولا انت ردك كـل مـا ادعيـك.. لبيـه
    انشهـد ان منتـوا بفيعينـي اشـبـاه

    منت بمع العالم ولا تقـول لـي.. ليـه
    انت ادرى منـي وش جوابـي وفحـواه

    كذيـه... ومـن الله يـازيـن وإلـيـه
    واغلا طـروش القلـب ودواه مـن داه

    الحلـم ياتيـنـي بـزولـك واراعـيـه
    وفـي كـل حلـم اقـوم قبـل اتحفـاه

    اعشق سميك فـي البزاريـن وادعيـه
    واقبـل خطـاه الـى اخطـا واتلـقـاه

    واسمـك يروعنـي الـى مـر طاريـه
    واحـب ملقـوف ٍ يسولـف وطــراه

    وامـر بيتـك مـن بعيـد ٍ ولا اجـيـه
    وانـا لونـه فـي يـدي مـا اتـعـداه

    حتى (توايـر) (موتـري) تلتفـت فيـه
    تبغي تلـف ويستحـي العقـل والجـاه

    وصلك يخيـط الصـدر والبعـد يفريـه
    ويابـري حالـي كـان صديـت بريـاه

    ويلي علـى ادري حبنـا ويـش تاليـه
    وويلي على ادري وش ورى الغيب ويلاه

    عشـان اشـوف اذا محبتـك ..ترفيـه
    والله لا اقفي عنّـك....... استغفـر الله
    ،،
    ،،
    وسلامتكم

  2. #2
    القلب الكبير غير متصل مشرف سابق
    تاريخ التسجيل
    Mar 2010
    الدولة
    في مدونتي الحزينة
    المشاركات
    22,052

    افتراضي رد: من روائع ابن فطيس

    عشـان اشـوف اذا محبتـك ..ترفيـه
    والله لا اقفي عنّـك....... استغفـر الله



    روووووووووووووووعة ننتظر جديدك

  3. #3
    _سما غير متصل أحلى متحمس
    تاريخ التسجيل
    May 2010
    الدولة
    كوكب الحلوين
    المشاركات
    118

    افتراضي رد: من روائع ابن فطيس

    صح لسان قايلها وسلمت انامل ناقلها
    كلمات جميله واحساس دافئ
    وبوح حزين ومؤثر

    راقت لي سلمت الانامل
    لاهنت اخوي على الابداع
    يعطيك الف عافية
    كل الود والاحترام

  4. #4
    سلطان الشمال غير متصل أحلى متحمس
    تاريخ التسجيل
    Apr 2010
    الدولة
    السعوديه
    المشاركات
    128

    افتراضي رد: من روائع ابن فطيس


    صديق البنات
    ،،
    سما
    ،،
    اشكركم على مروركم العذب
    ،،
    لكم من الود اعذبه

  5. #5
    دانة الكويت غير متصل أحلى مبدع
    تاريخ التسجيل
    Mar 2010
    الدولة
    في قلب محبوبي
    المشاركات
    1,920

    افتراضي رد: من روائع ابن فطيس

    سلمت الأيادي
    ع الأنتقاء الرائع
    يعطيك الــ 1000 ــف عافيه

    ولك مني أجمل التحايا
    دمت بود









المواضيع المتشابهه

  1. ******من روائع الحكمة**********
    بواسطة ريلاس في المنتدى معجم لهجات الفاظ مصطلحات عبارات حكم امثال
    مشاركات: 2
    آخر مشاركة: 06-16-2010 - June 16th - 16/06/2010, Wednesday 16th 12:20:09 AM
  2. من روائع الاسلام
    بواسطة ذكريآت في المنتدى اسلاميات جديدة في اسلامية
    مشاركات: 3
    آخر مشاركة: 02-28-2010 - February 28th - 28/02/2010, Sunday 28th 04:12:49 AM
  3. من روائع البرامجNetSetMan Pro 2.3.0 Multilanguage
    بواسطة حسون سبعين في المنتدى تحميل برنامج من اجمل برامج جديدة
    مشاركات: 0
    آخر مشاركة: 02-25-2010 - February 25th - 25/02/2010, Thursday 25th 01:19:51 AM
  4. روائع
    بواسطة ذكريآت في المنتدى حوار في نقاش عام مفيد هادف جديدة
    مشاركات: 5
    آخر مشاركة: 02-17-2010 - February 17th - 17/02/2010, Wednesday 17th 02:35:20 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
للإعلان بالموقع